Ғылым және жоғары білім вице-министрі тағайындалды
Бұл туралы Үкіметтің баспасөз қызметі мәлімдеді.
![Ғылым және жоғары білім вице-министрі тағайындалды](https://turkystan.kz/cache/imagine/1200/uploads/resized-images/2023/11/1701059608.jpg)
Үкімет қаулысы бойынша, Динара Ринатқызы Щеглова Ғылым және жоғары білім вице-министрі қызметіне тағайындалды.
Айта кетейік, Динара Щеглова 1982 жылы Семей қаласында туған.
Л.Н. Гумилев атындағы Еуразия ұлттық университетін, Т. Рысқұлов атындағы Қазақ экономикалық университетін, Қазақ экономика, қаржы және халықаралық сауда университетін бітірген.
2004-2006 жылдары – ҚР Ақпараттандыру және байланыс жөніндегі агенттігі бөлімінде бас маман.
Әр жылдары коммерциялық құрылымдарда еңбек етті.
2011-2018 жылдары – «Зерде» ұлттық инфокоммуникациялық холдингі» АҚ-да бас менеджер, департамент директоры, басқарушы директор, төраға кеңесшісі, басқарма төрағасының орынбасары.
2018-2019 жылдары – ҚР Ақпарат және коммуникациялар вице-министрі.
2019-2020 жылдары – ҚР Премьер-Министрінің кеңесшісі.
2020 жылдан бастап қазіргі уақытқа дейін – ҚР Индустрия және инфрақұрылымдық даму вице-министрі.