Қар аралас жаңбыр, көктайғақ: Бірнеше өңірде дауылды ескерту жарияланды

Астанада түнде қар, күндіз қар аралас жаңбыр жауады, көктайғақ болып, дауыл соғады, түнде және таңертең тұман түседі деп күтіледі. Оңтүстік-батыстан соққан желдің екпіні 23-28 м/с дейін жетеді деп болжанады.

Ақмола облысында түнде қар, күндіз қар аралас жаңбыр, облыстың солтүстік-батысында қар аралас жаңбыр жауады, көктайғақ, боран, тұман болады деп күтіледі. Оңтүстік-батыстан солтүстік батысқа ойыса соққан желдің екпіні 15-20 м/с, кей тұста 23-28 м/с дейін жетеді деп болжанады. Облыстың батысы мен солтүстігінде секундына 30 метр жылдамдықпен жел соғады деп күтіледі.

Ақтөбе облысының оңтүстік-шығысында түнде қалың қар жауады, облыстың оңтүстігінде көктайғақ, жаяу бұрқасын болады деп болжанады. Түнде өңірдің оңтүстігінде, күндіз солтүстігі мен батысында солтүстік-батыстан оңтүстік-батысқа ойыса соққан желдің екпіні - 15-20 м/с.

Атырау облысының солтүстігі мен шығысында күндіз көктайғақ болады, солтүстік батыстан оңтүстік-батысқа ойыса соққан желдің екпіні 15-20 м/с құрайды деп күтіледі.

Шығыс Қазақстан облысының солтүстігі, шығысы мен оңтүстігінде оңтүстіктен, оңтүстік-батыстан соққан желдің екпіні – 23 м/с.

Жетісу облысының таулы аймақтарында түнде және таңертең тұман түсуі мүмкін. Күндіз Алакөл аумағында оңтүстік-шығыстан соққан желдің екпіні 15-20 м/с, кей тұста 23-28 м/с дейін жетеді.

Батыс Қазақстан облысының батысы, солтүстігі мен шығысында күндіз көктайғақ, облыстың батысында тұман болады деп болжанады. Күндіз облыстың батысы, солтүстігі мен шығысында солтүстік-батыстан оңтүстік-батысқа ойыса соққан желдің екпіні - 15-20 м/с.

Қарағанды облысының батысы мен солтүстігінде боран тұрып, көктайғақ болуы ықтимал. Түнде облыстың солтүстігінде, күндіз облыстың басым бөлігінде оңтүстік-батыстан, оңтүстіктен 15-20 м/с жылдамдықпен жел соғады деп болжанады.

Қостанай облысының оңтүстігінде жауын-шашын, өңірдің шығыс, оңтүстік және орталық бөлігінде көктайғақ, тұман болады деп күтіледі. Өңірдің солтүстігі, шығысы мен орталығында қатты жел соғады. Облыстың оңтүстігінде, шығысында оңтүстік-батыстан, батыстан соққан желдің екпіні 15-20 м/с, кей тұста 23-28 м/с дейін жетеді.

Қызылорда облысының батысында, түнде облыстың басым бөлігінде соққан желдің екпіні 15-20 м/с, облыстың солтүстігінде соққан желдің екпіні 25 м/с дейін жетеді.

Маңғыстау облысының солтүстік-шығысында түнде қатты жауын-шашын, өңірдің солтүстігі мен солтүстік-шығысында тұман, көктайғақ болады деп күтіледі. Түнде өңірдің батысында, солтүстік-шығысында солтүстік-батыстан оңтүстік-батысқа ойыса соққан желдің екпіні - 15-20 м/с.

Павлодар облысының солтүстігі, оңтүстігі мен шығысында көктайғақ, облыстың батысы мен оңтүстігінде жаяу бұрқасын болады деп күтіледі. Облыстың батысы мен оңтүстігінде оңтүстік-батыстан 15-20 м/с жылдамдықпен жел соғып, екпіні 25 м/с дейін барады.

Солтүстік Қазақстан облысының басым бөлігінде жауын-шашын, күндіз облыстың оңтүстік-шығысында қар жауады, көктайғақ, боран болады деп болжанады. Оңтүстік-батыстан солтүстік-батысқа ойыса соққан желдің екпіні 15-20 м/с, түнде кей жерлерде 30 м/с, тіпті одан да күшті болады.

Түркістан облысының оңтүстігінде түнде және таңертең тұман түседі деп күтіледі.

Ұлытау облысының солтүстігі, шығысында көктайғақ болуы ықтимал. Түнде облыстың солтүстігінде, күндіз басым бөлігінде оңтүстіктен, оңтүстік-батыстан соққан желдің екпіні 15-20 м/с, кей жерлерде 23-28 м/с дейін жетеді.