Автобустың алдыңғы әйнегін сындырған астаналық тұрғын 15 тәулікке қамауға алынды, деп хабарлады turkystan.kz polisia.kz сайтына сілтеме жасап.
Оқиға 16 қарашада таңғы сағат 05:50-де болды. Иманов көшесінде ер адам автобустың алдыңғы әйнегін сындырды.
«Елорда полицейлері құқық бұзушыны дереу ұстады. Ол қаланың 34 жастағы тұрғыны болып шықты», – делінген хабарламада.
Ер адам «ұсақ бұзақылық» бабы бойынша әкімшілік жауапкершілікке тартылып, Астана қаласының мамандандырылған ауданаралық әкімшілік сотының шешімі бойынша 15 тәулік мерзімге қамауға алынды.