Метеорологтардың мәліметінше, бүгін республиканың батысында, солтүстігінде, шығысында атлантикалық циклонның және атмосфералық фронттардың әсерінен ауа райы құбылмалы болады.
Мәселен, кей жерлерде жауын-шашын (жаңбыр, қар) түсіп, шығыста кей уақыттарды қар қатты жауып, бұрқасын, көктайғақ күтіледі.
Ал еліміздің оңтүстік жартысында антициклон жотасының әсерінен жауын-шашынсыз ауа райы сақталады. Десе де бүгін республика бойынша тұман түсіп, жел күшейеді деп күтілуде. Сондай-ақ
OpenWeather порталы бүгін Қазақстанның ірі қалаларында ауа райы қандай болатынын болжады.
Синоптиктердің болжамынша, Алматыда күн аздаған бұлтты болады. Күндіз ауа температурасы 13 градусқа дейін көтеріліп, түнде 0 градусқа дейін төмендейді. Желдің жылдамдығы – 2,4 м/с.
Астанада жаңбыр жауады. Күндіз ауа температурасы 8 градусқа дейін жетіп, түнде 1 градусқа дейін төмендейді. Желдің жылдамдығы – 4,7 м/с.
Шымкентте күн ашық болады. Күндіз термометр бағаны 19 градусқа дейін көтеріліп, түнде 4 градусқа дейін төмендейді. Желдің жылдамдығы 1,7 м/с деңгейінде болмақ.