Танымал «Дос-Мұқасан» ансамблінің негізін қалаушылардың бірі, барабаншы Александр Литвинов бүгін түнде дүниеден озды, деп хабарлады turkystan.kz. Қайғылы хабар туралы «Дос-Мұқасан» тобының Instagram парақшасында жарияланды.
«Бүгін түнде 75 жасқа қараған шағында Александр Литвинов Михайлович өмірден озды. Ол – «Дос-Мұқасан» ансамблінің негізін қалаушылардың бірі, барабаншы. Оның балаларына, туған-туыстары мен жақындарына қайғыра көңіл айтамыз. Ол біздің жүрегімізде ең ақкөңіл, мейірімді, шыншыл, жанашыр, жарқын бейнесімен сақталады», – делінген жазбада.