Бұршақ жауады: 10 мамырға арналған ауа райы болжамы

Бұршақ жауады: 10 мамырға арналған ауа райы болжамы Синоптиктер 10 мамырға арналған ауа райы болжамын жариялады деп хабарлады turkystan.kz. Қазгидрометтің болжамы бойынша, бірнеше өңірде найзағай ойнап, жаңбыр және бұршақ жауады. Атап айтсақ, Батыс Қазақстан облысының солтүстігінде, шығысында, күндіз облыстың шығысында найзағай ойнайды. Солтүстік-шығыстан жел соғады, түнде облыстың солтүстік-батысында, шығысында екпіні - 15-20 м/с. Атырау облысының солтүстігінде, шығысында найзағай ойнайды. Солтүстік-батыстан жел соғып, түнде облыстың солтүстігінде, шығысында 15-20 м/с-қа жетеді. Ақтөбе облысының солтүстігінде, батысында нөсер жаңбыр жауады. Күндіз облыстың батысында найзағай күтіледі, облыстың солтүстігінде бұршақ. Шығыстан, солтүстік-шығыстан жел соғады, облыстың солтүстігінде, батысында екпіні - 15-20 м/с. Солтүстік Қазақстан облысының күндіз батысында шығыстан жел соғады, екпіні - 15-20 м/с. Түнде облыстың солтүстік-батысында топырақ бетінде 2 градус үсік болуы мүмкін. Қызылорда облысында өрт қаупі бар. Маңғыстау облысының солтүстік-шығысында, оңтүстігінде найзағай ойнайды. Батыстан, солтүстік-батыстан жел соғады, күндіз облыстың солтүстік-шығысында 15-20 м/с-қа жетеді. Қостанай облысының орталығында, солтүстігінде нөсер жаңбыр жауып, найзағай ойнайды. Күндіз облыстың оңтүстігінде, шығысында бұршақ жауады. Шығыстан, солтүстік-шығыстан жел соғады, облыстың оңтүстігінде, шығысында екпіні - 15-20 м/с. Түнде облыстың солтүстігінде топырақ бетінде 2 градус үсік болады. Облыстың орталығында, оңтүстігінде жоғары өрт қаупі бар. Павлодар облысының батысында, оңтүстігінде солтүстік-шығыстан жел соғады, екпіні 15-20 м/с-қа жетуі мүмкін.