«Тісімді біртіндеп жұлды»: Өскеменде жазасын өтеуші қорлық көргенін айтты (ВИДЕО)
Журналист Гүлмира Әбіқай әлеуметтік желідегі парақшасында видео жариялады. Онда Өскемендегі арнайы режимдегі колонияда жазасын өтеуші қорлық көріп жатқанын айтқан деп хабарлады turkystan.kz.
Жазасын өтеуші видеода өздеріне мекеме қызметкерлері қорлық көрсетіп жатқанын айтып, кінәлілердің атын атаған. Сонымен қатар бұл жағдайға бейжай қарамауын өтініп, Президенттен көмек сұрады.
«Мына видеоны көріп, жағамды ұстадым. Бізде өзі КУИС, ДУИС деген мекемелер бар ма, тірі ме өзі? Міне, Өскемендегі арнайы режимдегі колонияда не болып жатыр, видеоның басын кесіп тастадым. Жазасын өтеуші қорлағандардың атын атап, түсін түстеп тұр. Бұдан басқа не керек?» деп жазды журналист.
