Бүгін еліміздің 6 облысында үсік жүреді

Қазгидромет 30 сәуірде болатын метеорологиялық құбылыстарға болжам жасады деп хабарлады turkystan.kz. Синоптиктердің болжамы бойынша, атмосфералық фронтальды бөлімдердің өтуімен республиканың оңтүстігінде, оңтүстік-шығысында, шығысында жаңбыр жауады, оңтүстігінде, оңтүстік-шығысында найзағай ойнайды. Ал Қазақстанның басым бөлігінде Солтүстік антициклон кіруімен жауын-шашынсыз ауа райы күтіледі. Ел бойынша желдің күшеюі, солтүстігінде - тұман, оңтүстігінде шаңды дауыл күтіледі. Түнде Ақмола, Павлодар, Солтүстік Қазақстан, Қостанай облыстарының солтүстігінде 1-7 градус үсік, Қарағанды, Ұлытау облыстарында топырақ бетінде 1-3 градусқа дейін үсік күтіледі.    

Серіктес жаңалықтары