Қазақстан жастары Африкадағы балаларға ауызашар берді (ВИДЕО)

Мақаттық бір топ жас Африка еліндегі жетімдер үйіндегі балаларға ауызашар берді деп хабарлады turkystan.kz. Maqat-tynysy.kz жазуынша, дастархан 60 балаға арналып жайылған. Ұйымдастыру жұмыстарын Африкадағы мұсылман халқына ауызашар беретін қор қолға алған. Мақаттағы 14 белсенді жас сол қорға ақша аударған. «Қасиетті Рамазан айындағы игі істердің төресі - ауыз аштыру». "Африка мұсылмандары аузын қара сумен ашатынын естігенде, ас беру ойы туындады. Олардың күнкөріс деңгейлері өте төмен. Оның үстіне, елімізде ауызашар беріп жатқандар өте көп. Өңірлердегі әрбір мешітте де күнделікті тегін ұйымдастырылады. Аталмыш елдегі халықтың жағдайына қарап шүкіршілік етсек деген ой», - дейді ұйымдастырушылар.

Серіктес жаңалықтары