243
Тәуелсіздік күнтізбесі
Тәуелсіздік күнтізбесі
1992 жылғы 5 наурызда Қазақстан Республикасы мен Мысыр Араб Республикасы арасында дипломатиялық қатынас орнады.
1993 жылғы 5 наурызда Қазақстан Республикасы Президентінің «Мемлекеттік холдингтік компаниялар туралы» қаулысы жарық көрді.
1994 жылғы 7 наурызда Жоғарғы Кеңес сайлауы өтті.
1996 жылғы 5 наурызда Ақмола облыстық қазақ музыкалық-драма театры «Ақан сері-Ақтоқты» пьесасының (режиссер Ж. Омаров) қойылымымен ашылды.
1999 жылғы 4 наурызда Алматы көшелерінің біріне Қазақстанның халық әртісі Ғарифолла Құрманғалиевтің есімі беріліп, ол тұрған үйге ескерткіш тақта орнатылды.
2001 жылғы 9 наурызда Қазақстан мен Ресей шекараны межелеуге кірісті.
2006 жылғы 9 наурызда Өскеменнің оңтүстік жағынан жаңа автовокзал салынды.
2009 жылғы 8 наурызда Бейжіңде Нұрсұлтан Назарбаевтың қазақ тілінде арабтың өрме жазуымен басылған «Еуразия жүрегінде» атты кітабының тұсаукесер рәсімі өтті.
2010 жылғы 4 наурызда Оңтүстік Кореяның Қазақстандағы елшілігі жанынан Корея мәдениет орталығы салтанатты түрде ашылды.
2015 жылғы 5 наурызда ҚР Ұлттық Банкі мен Ислам қаржы дамыту қауымдастығы арасында ынтымақтастық туралы Меморандум жасалды.
2016 жылғы 4 наурызда Атырауда ақын Фариза Оңғарсыноваға ескерткіш қойылды.
2016 жылғы 4 наурызда ҚР Ұлттық банкі айналымға 100 теңгелік «Магиялық символдар» сериясымен proof кәдесый күміс монетасын шығарды.
