Елімізде қанша медицина қызметкері вакцинадан бас тартқаны белгілі болды

Қазақстанда қанша медицина қызметкері вакцина салдырудан бас тартты? Бұл сауалға ҚР ДСМ санитарлық-эпидемиологиялық бақылау комитетінің төрағасы Айжан Есмағамбетова жауап берді.  «Қазіргі уақытта 13 301 медицина қызметкері вакцинаны салдырды. 218 медицина қызметкеріне медициналдық көрсеткіштерге байланысты салынбайтын болды. 130 медқызметкер, яғни вакцина салдырғандардың 0,9 проценті вакцинациядан бас тартты», - деді А. Есмағамбетова. Айта кетейік, елімізде вакцинация ерікті түрде салынатын болғандықтан, заң бойынша одан бас тартқандарға қарсы ешқандай санкция қарастырылмаған. Еске салсақ, бұдан бұрын Денсаулық сақтау министрі Алексей Цой тек қазақстандық вакцинаны салдыратынын мәлімдеген еді. Отандық вакцина қолданысқа енген кезде министр алғашқылардың бірі болып оны салдыруға уәде берді.

Серіктес жаңалықтары