24 Маусым, 14:29 394 0 Экономика Анар ЛЕПЕСОВА

Өз кәсібін ашқысы келетін алматылықтарға 555 мың теңге грант беріледі

Алматыда жыл басынан бері мемлекеттік бағдарлама аясында өз кәсібін ашу үшін 700-ден астам адам 555 мың теңге көлемінде грант алды.

ҚазАқпараттың хабарлауынша, бұл туралы Алматы қаласы әлеуметтік әл-ауқат басқарма басшысының орынбасары Данияр Әлкебайұлы онлайн брифинг барысында мәлімдеген.

Оның айтуынша, « Бастау Бизнес» курсынан өткен 706 адам қаржылай грантқа ие болған, ол адамдар қазір өз кәсіптерін ашып, жұмыс істеуде.

«Еңбек» мемлекеттік бағдарламасының екінші бағыты аясында жаңа бизнес идеяларды жүзеге асыруға, жеке бизнес ашуға немесе қолданыста кәсіпті кеңейтуге 555мың теңгеге дейін гранттар қарастырылған. Бүгінгі күні 706 адам 392,3 млн теңгеге грант алды. Осы жобаға қатысам деушілер жұмыспен қамту орталығына жүгіне алады»,– деді Данияр Әлкебайұлы.

Сонымен қатар, ол «Жұмыспен қамтудың жол картасы бағдарламасы» бойынша 103,9 млрд теңгеге 216 инфрақұрылымдық жоба жүзеге асырылатынын айтты.

«Инфрақұрылымдық жобаларды іске асыру аясында жұмыссыз жастарға басымдық беріледі. Барлығы 26 мың жаңа жұмыс орнын құру жоспарда. Бүгінгі таңда аталған жоба аясында 14,3 мың жұмыс орны құрылды, оның ішінде 12 мың адам жұмыспен қамту орталығы арқылы орналасты», – деді ол.

 

Соңғы жаңалықтар