13 Қаңтар, 14:48 237 0 Саясат Анар ЛЕПЕСОВА

ҚР Президенті Оман сұлтанына құттықтау жолдады

Қасым-Жомарт Тоқаев Оманның жаңадан тағайындалған сұлтаны Хайсам бен Тариқ Әл Саидті Қазақстан халқының және Өзінің атынан құттықтап, жеделхат жолдады.   

Бұл туралы Ақорданың баспасөз қызметі хабарлады.

Мемлекет басшысы Оман сұлтандығының экономикасы қарқынды дамып, халқының әл-ауқаты артып отырған мемлекет екенін айта келе, Хайсам бен Тариқ Әл Саидтің басшылығымен Оманның одан әрі өркендеп, мерейі өсе беретініне сенім білдірді.

"Екі ел арасындағы достық пен өзара қолдауға негізделген ынтымақтастықты келешекте де халықтарымыздың игілігі үшін әрі қарай өрістету мақсатында Сізбен бірлесе күш-жігер жұмсауға дайын екенімді қуаттаймын. Сіздің аса жауапты қызметіңіз бен барлық игі бастамаларыңызға мол табыс, ал достас Оман халқына ырыс пен құт-береке тілеймін", - делінген жеделхатта.

Соңғы жаңалықтар