QoğamRuhaniyat

Artur Platonov: Naurız – ruhani immunitetimiz

Bügingidey qwbılmalı kezeñde, sırttan kelip jatqan böten, tüsiniksiz dünielerdiñ qoğamğa dendep enbeui üşin dästürdi qwrmetteu, öziñniñ şıqqan tegiñ men tüp-tamırıñdı jaqsı köru mañızdı. Ötkenge oralu, tarihtı wmıtpau, odan tirek tabu – ruhani immunitet. Öz tarihında ruhani baylığımen, adamgerşiligimen maqtana alatın wlttar az. Men qazaq tarihınıñ bılğanbağanın, taza ekenin ılği da aytamın. Özgelerdiñ  tarihında bar azğındıqtı qazaqtıñ tarihınan tappaysız. Bwl – biik adamgerşiliktiñ ülgisi. Qazaq halqı ärqaşan özinde bar qwndılıqtarın qorğadı, saqtadı, bolaşaq wrpaqqa jetkizdi. Özin saqtap qala otırıp, özge wlt ökilderin bauırına bastı, üyiniñ esigin aştı, törinen orın berdi. Bir wlttı saqtau arqılı sol halıqtıñ mädenietin, tilin, dästürin saqtap qaldı. Key wlttıñ wrpağı ata-babasınıñ wltaralıq, dini bağıtta özge wlttı qırıp-joyğanına ökinetini anıq, bwl jağınan qazaqtıñ maqtanuına sebep bar. Qazaq halqınıñ özge wlttarğa jasağan jaqsılığın wmıtuğa bolmaydı. Äsirese, qazir älemde bolıp jatqan jağdaylardı esepke alsaq, ruhani adamgerşilik twrğısınan köptegen wltqa ülgi bola alamız. Sondıqtan özge wlttıñ key qwndılıqtarı men qasietine qızıqpay, qazaqtıñ öz qasietin, dästürin bağalauımız kerek.

Dästür degendi key adamdar abstraktili qwndılıq dep sanaydı. Dästür degenimiz – ata-babalardıñ wlt retinde aman qalu täjiribesi. Olar ärqaşan dinge sendi, biraq dinniñ soñınan ketpedi, eşqaşan dindi sayasattıñ qwralına aynaldırmadı, bwl ruhani qajettilik. Al bireuler üşin bwl bayudıñ, bwrmalaudıñ qwralı ekenin körip otırmız. Bwl qwral keyde adamdardı öziniñ ruhani tüp-tamırınan ajıratıp, jolınan tay­dıradı. Äsirese, bügingidey jahandanu kezeñinde wlttıq dästür ötkenge degen qwrmet qana emes, qajetti önegelik qorğanısı. Bwl bizge tarihi tä­jiribege süyenip, ruhani dästürimizben bite-qay­nasıp, alğa qaray qarıştauımızğa mümkindik beredi.

Naurız merekesin toylau ärqaşan tarihtı eske alumen baylanıstı. Naurız meyra­mı­nıñ mañızı zor. Bwl ata-babalardıñ täjiri­besine aynalıp soğuğa, olardı tüsinuge, tarihtı tarazılauğa, qolımızda bar bügingi qwndılıq­tarımızğa özgeşe közqaraspen qarauğa mümkindik beredi. Osınıñ bäri äldeqayda tereñ jäne jan-jaqtı zerttelui kerek dep oylaymın. Qazir adam­dar bir-birine neniñ jaqsı, neniñ jaman ekenin ay­tıp üyretkendi jaqsı köredi. Biraq är halıq öziniñ közqarasına, tarihına, tüp-tamırına, ru­haniyatına süyenip, üñilui kerek.

Köktem men jañarudıñ merekesi Naurız – Qazaqstan halqı üşin eñ süyikti äri auqım­dı meyram. Birneşe mıñdağan jıl tarihı bar meyram bükil halıqtıñ, elimizdi mekendegen wlttar men wlıstardıñ ortaq meyramına aynalıp, jıl sayın jaña mazmwn, sän-saltanatımen atalıp ötedi. Meniñ otbasım da jıl sayın bwl merekeni asığa kütedi. Otbasımızben naurızkö­jeni jaqsı köremiz. Mümkindiginşe merekedegi demalıs künderin otbasımmen ötkizuge tırısamın. Wlttıñ wlı meyramın toylau adamnıñ qa­rım-qatınasınan, işki alğısınan, qwrmet kör­setuinen bastaladı. Naurız – ruhani qorğa­nı­sımız, immunitetimiz. Naurız meyramınıñ astarında ülken tarih, ruhani energiya saqtalğan. Bwl tek  demalıs küni emes, bwl eske aludıñ, ötken­di qayta oy tarazısına saludıñ, ata-babalardıñ jürip ötken jolı men qwndılıqtarın tüsinudiñ bir jolı.

Back to top button