Дүние жүзіндегі елдердің тұрақты даму индексі жарияланды

Қазақстан 2018 жылғы тұрақты даму индексі (Sustainable Economic Development Assessment, SEDA) бойынша 152 мемлекеттің ішінде 57-ші орынға тұрақтады, деп хабарлайды «Хабар 24». Бұл бағыттағы зерттеу жұмыстарын жыл сайын The Boston Consulting Group (BCG) компаниясы жүргізеді. Рейтингтің көш басында Норвегия тұр. Одан кейінгі орындарға Швейцария мен Исландия тұрақтаған. Рейтингтің үздік ондығына Люксембург, Дания, Швеция, Сингапур, Финляндия, Австрия, Нидерланды сияқты елдер кірген. Рейтинге Қазақстанмен қатарлас тұрған мемлекеттердің ішінде Аргентина (58-орын), Ресей (59-орын), Грузия (60-орын) бар. Одан жоғарырақ 52 және 51-орындарда Беларусь пен Болгария тұр. Румыния 50-орында.