Ақтаулық егіз жігіттер Жібектің елінен егіз жұптарын тауып үйленді

Егіз қыздың ұзатылу тойы өткен. Ал Ақтауда өтетін келін түсіру тойы 9 қазанған жоспарланыпты.  Егіз жігіттер Төлепбергенұлы Төребек пен Жолдасбек егіз қыздар Биназарова Асыл мен Айымға үйленеді, - деп хабарлайды Tengrinews.kz.

Егіз ғашықтар алғаш сауда дүкенінде танысқан көрінеді.  "Ол дүкенге аяқ киім сатып алу үшін келді. Өзіне таңдады да сатушы Айымнан тағы осындай аяқ киімді сұрады. "Сенің егізің бар ма?" деп сұрайды. Ол "иә" деп жауап береді. Сол кезде қыз оған өзінің егізі жайлы айтыпты", - дейді егіз жігіттердің ағасы Сұлтан Ұзақбаев. Асыл мен Айымға алғашқы болып танысқан жігіт егіздердің кішісі Жолдасбек екен.