663
Павлодар облысында 34 жастағы әйел суға батып кетті
Павлодар облысында 34 жастағы әйел суға батып кетті
Ақтоғай ауданы Әбжан ауылында 34 жастағы әйел суға батып кетті, деп хабарлайды pavlodarnews.kz.
Облыстық ТЖД баспасөз қызметінің мәліметінше, оқиға 5 тамыз күні болған.
«Ертіс өзенінің тармағында сағат 16.45-те 1984 жылы туған әйел суға батып кеткен. Әйелдің денесін жергілікті тұрғындар сағат 18.05-те судан алып шықты. Оқиға шомылуға орнатылмаған жерде орын алды», - деді баспасөз қызметінде.
Құтқарушылар облыс тұрғындары мен қонақтарын жазғы маусымда су айдындарында қауіпсіздік шараларын сақтап, шомылуға рұқсат етілген жерлерде ғана демалуды сұрайды.
