قازاقستاندا ەمحاناعا Telegram ارقىلى تىركەلۋگە بولادى

eGov.kz پورتالى Telegram-بوت ارقىلى جاڭا ءۇش قىزمەتتى ۇسىنادى، دەپ مالىمدەدى «ۇلتتىق اقپارات تەحنولوگيالارى» اق ءباسپاسوز قىزمەتى.

«ۇلتتىق اقپارات تەحنولوگيالارى» اق قر دەنساۋلىق ساقتاۋ مينيسترلىگىنىڭ @EgovKzBot Telegram-بوتى ارقىلى ءۇش قىزمەتتىڭ ىسكە قوسىلاتىنى تۋرالى مالىمدەيدى. ەندى بوت ارقىلى ازاماتتار ەمحاناعا تىركەلۋ، دارىگەر قابىلداۋىنا جازىلۋ جانە ۇيگە دارىگەر شاقىرۋ مۇمكىندىگىنە يە»، – دەلىنگەن حابارلامادا.

قىزمەتتەرگە قول جەتكىزۋ ءۇشىن «موبيلدىك ازاماتتار بازاسىنا» تىركەلۋ، ياعني eGov.kz پورتالىنداعى جەكە كابينەتكە تەلەفون ءنومىرىڭىزدى جازۋ قاجەت. سوسىن ءوز گادجەتىڭىزدەگى Telegram مەسسەندجەرىندە بوتتى ىسكە قوسساڭىز جەتىپ جاتىر.

ودان ءارى الدىن الا بەلگىلەنگەن كوماندالاردى جىبەرۋ جانە SMS-كودپەن راستاۋ ارقىلى انىقتامالاردى جانە سەرۆيستەر تۋرالى اقپارات سۇراۋعا، ولاردى پايدالانۋشىنىڭ ەلەكتروندى پوشتاسىنا جىبەرۋگە بولادى.

قازىرگى كەزدە Telegram-بوتقا 8218 ادام تىركەلگەن، ولار بوت ىسكە قوسىلعالى 8517 ساۋال جولداپ ۇلگەرگەن.

ۇقساس جاڭالىقتار

Back to top button