جولدار شاقىرادى

قر كولiك جانە كوممۋنيكاتسيا مينيسترi سەرiك احمەتوۆ تالدىقورعان قالاسىنا كەلگەن ارنايى iس ساپارىندا تەمiر جول جانە اۆتوموبيل ينفراقۇرىلىمدارىن سالۋ مەن جاڭعىرتۋعا باسا نازار اۋدارىلىپ، وسىعان وراي قولعا الىنا باستاعان ماڭىزدى جوبالار توڭiرەگiندە كەلەلi جيىن وتكiزدi. جيىنعا وبلىس اكiمi سەرiك ۇمبەتوۆ توراعالىق جاسادى.

– ەلiمiزدەگi كولiك قاتىناسى مەن جۇك تاسىمالىندا جەتiسۋ جەرiنiڭ الاتىن ورنى اسا سالماقتى. قازاقستاننىڭ قىتاي حالىق رەسپۋبليكاسىمەن شەكاراسىندا ورنالاسقان، ەكi ەلدi بايلانىستىرىپ وتىرعان ءۇش بiردەي اۆتوكولiك جانە ەڭ iرi تەمiر جول وتكەلi وسى ايماقتا ورنالاسقان. ولار: قورعاس، قالجات جانە دوستىق. سونىمەن بiرگە قىرعىزستانمەن شەكاراداعى رايىمبەك اۋدانىندا كەگەن اتتى تاعى بiر اۆتوكولiك وتكەلi جۇمىس iستەيدi. دوستىق ارقىلى وتەتiن تەمiر جول وتكەلi ارقىلى تاسىلاتىن جۇك اينالىمى وسىدان بiرەر جىل بۇرىنعىمەن سالىستىرۋعا مۇلدە كەلمەيدi. اماندىق بولسا، ول جەتiستiك العا جىلجىعان جىلدارمەن بiرگە وركەندەي بەرمەك. دەگەنمەن ءدال بۇگiنگi كۇنi بۇل بەكەت ارعى بەتتەن اعىلىپ كەلiپ جاتقان جۇك تاسقىنىنا تولىققاندى قىزمەت كورسەتە الماي وتىر.

الماتى وبلىسىندا جول قاتىناسى مەن جۇك تاسىمالىن وركەندەتۋگە بايلانىستى بەلگiلەنگەن جوبالاردىڭ باسىندا جەتiگەن – قورعاس تەمiرجولى جەلiسiن توسەۋ مەن الماتى – قورعاس، الماتى – قاپشاعاي – تالدىقورعان اۆتوتراسسالارىن، ۇلكەن الماتى اينالما جولىن سالۋ تۇر. بۇل جولداردى سالۋمەن بiرگە ونداعى كوپiرلەر مەن بەكەتتەر جانە جول بويى قىزمەت كورسەتۋ نىساندارىنىڭ قۇرىلىسى قاتار جۇرگiزiلمەك. قۇرىلىس جۇمىستارىنا بەس مىڭنان استام ادام قاتىسادى دەپ بولجانعان جەتiگەن – قورعاس تەمiرجولى جەلiسi مەن الماتى – قورعاس اۆتوجولى پايدالانۋعا بەرiلگەننەن كەيiن، وسى جولدار باسىپ وتەتiن بەس اۋداننىڭ ەكi مىڭنان استام تۇرعىنى جاڭا جۇمىس ورىندارىمەن قامتىلماق. سونىمەن بiرگە اقتوعاي – دوستىق، اقتوعاي – الماتى، اقتوعاي – مويىنتى تەمiرجول تارماقتارىن ەلەكترلەندiرۋ جۇزەگە اسىرىلماق. تالدىقورعان – تەكەلi، شونجى – قالجات اۆتوجولدارى جاسالىپ بiتۋگە جاقىندادى. ءۇشارال مەن دوستىقتىڭ اراسىنداعى 186 شاقىرىمدىق جول دا جوندەلەدi. ال وبلىستاعى اۋداندار مەن اۋىلدار اراسىن جالعاستىرىپ جاتقان جولداردى جوندەۋگە قاراستىرىلاتىن قاراجات جىل سايىن ارتۋ ۇستiندە، – دەپ اتاپ ءوتتi سەرiك احمەتوۆ.

وبلىس باسشىسى مينيستردiڭ وتiنiشiنە وراي زالدا وتىرعان اۋداندار مەن قالالار اكiمدەرiنە، تاعى باسقا باسشىلارعا كۇرە جولدارعا قاتىستى شارۋالاردىڭ بارلىعىنا وڭ كوزبەن قاراپ، بارلىق ماسەلەلەردi زاڭ اۋقىمىندا جەدەل شەشۋدi، ۇلكەن جولدار سالىنادى دەگەلi، سولار وتەتiن جەرلەردەن جەر تەلiمiن الۋعا ۇمتىلۋشىلاردىڭ وتiنiشتەرiن قاراۋدى توقتاتۋدى، جوبالار جۇزەگە اسىپ بولعانشا جەر بەرمەۋدi تاپسىردى.

قر كولiك جانە كوممۋنيكاتسيا مينيسترلiگiندەگi كوميتەت باسشىلارىنىڭ ايتۋىنشا، الماتى وبلىسىنداعى كولiك تاسىمالىنىڭ مۇمكiندiگi اسا زور بولعانىمەن، ءدال قازiرگi كەزدە سونى پايدالانۋدا كەرi كەتiپ تۇرعان تۇستار كوپ. الماتى وبلىسىنداعى تەمiرجول تاسىمالى ارقىلى 2006 جىلى 17 ملن. توننا جۇك تاسىلسا، بىلتىر بۇل كورسەتكiشتiڭ 22 ملن. تونناعا جەتكەن. جالپى جەتiسۋ جەرiندەگi شويىن جولدىڭ ۇزىندىعى – 1434 شاقىرىم. قازiرگi كەزدە وسى جولداردى ودان ءارi دامىتۋ، جاڭارتۋ، بەكەتتەر جۇمىسىن جانداندىرۋ باعىتتارىندا ناقتى شارالار قولعا الىنىپتى. قىتايدىڭ "الاشاڭقاي" بەكەتi مەن قازاقستاننىڭ "دوستىق" بەكەتiنiڭ ارالىعىنداعى جۇك تاسىمالى بەلگiلەنگەن جوسپارعا ساي جۇزەگە اسىرىلۋدا. شەكارالىق "دوستىق" تەمiر جول بەكەتiن ودان ءارi دامىتۋدىڭ قارقىنى دا جامان ەمەس. الەۋمەتتiك ينفراقۇرىلىم وركەندەۋدە. تەمiرجولشىلارعا ارنالىپ تۇرعىن ۇيلەر سالىنىپ، مەكتەپ، اۋرۋحانا سىندى نىساندار بوي كوتەرۋدە. قازiرگi كەزدە بۇل وتكەل ارقىلى 16 ملن. توننا جۇك وتكiزiلەدi. ەلدiمەكەننiڭ بولاشاعىنا جاسالعان بولجام ورىندالار بولسا، جۇك تاسىمالى كولەمi بيىل 18 ملن. توننا بولىپ، 2012 جىلى 25 ملن. تونناعا جەتپەك.

جەتiگەن – قورعاس تەمiرجولى جەلiسi قۇرىلىسى جوباسىنىڭ جالپى قۇنى – 97،7 ملرد. تەڭگە ەكەن. الماتى قالاسى ماڭىنداعى "جەتiگەن" تەمiر جول بەكەتiنەن باستالىپ، وبلىستىڭ بەس اۋدانىنىڭ اۋماعى بويىنشا وتەتiن شويىن جول قاپشاعاي كولiن جاعالاي جۇرگiزiلiپ، شارىن ۇلتتىق باعىنا جەتكiزiلەدi دە، سول جەر ارقىلى شەكاراداعى قورعاستان بiراق شىعارىلادى. ۇزىندىعى – 298 شاقىرىم. تەمiرجول جەلiسiندە ءتورت ۇلكەن جانە 21 ورتاشا كوپiر سالىنادى. قۇرىلىستىڭ قورشاعان ورتاعا زيانىن ازايتۋدىڭ بارلىق تالاپتارى قاراستىرىلعان. جەتiگەن – قورعاس تەمiرجولى جەلiسiنiڭ سالىنۋى ارقىلى جەتiسۋ جەرiن باسىپ وتەتiن ەكi بiردەي حالىقارالىق كولiك ءدالiزi iسكە قوسىلادى.

ەدiگە بەكتاس

ۇقساس جاڭالىقتار

Back to top button