تارازدا جاڭا ءالىپبيدى وقىتاتىن كافەدرا اشىلدى

تاراز مەملەكەتتىك پەداگوگيكالىق ۋنيۆەرسيتەتىندە تۇڭعىش رەت قازاق فيلولوگياسى جانە لاتىن گرافيكاسىن وقىتۋ ادىستەمەسى كافەدراسى اشىلدى، دەپ حابارلايدى 24.kz.

مۇندا عالىمدار جاڭا ءالىپبيدىڭ ورفوگرافياسى مەن ورفوەپياسىن قالىپتاستىرۋ باعىتىندا ەڭبەكتەنىپ جاتىر. وسى ماقساتتا تۇرىكتىڭ «قارابيۋك» ۋنيۆەرسيتەتىمەن تىعىز بايلانىس ورناتىلىپ، لاتىن الىپبيىنە كوشۋدىڭ ادىستەمەلىك قاعيدالارى اكەلىنگەن. قازىر زەرتتەۋ جۇمىستارى باستالىپ كەتتى. دەگەنمەن ءبىرىنشى كەزەكتە تۇجىرىمداما جاساپ العان ءجون دەپ سانايدى. «ول لاتىن قارپىنە كوشۋدىڭ تەمىرقازىعىنا اينالۋى ءتيىس»، – دەيدى ءتىل ماماندارى.

تۇرسىناي ابدىقادىروۆا، تارمپۋ قازاق فيلولوگياسى كافەدراسىنىڭ مەڭگەرۋشىسى، پروفەسسور: 

– ءبىز قازاق فيلولوگياسى جانە لاتىن گرافيكاسىن وقىتۋ ادىستەمەسى دەگەن كافەدرا اشىپ وتىرمىز. وسى باعىتتا ءبىزدىڭ عالىمدارىمىز جۇمىس ىستەپ، ونىڭ وقۋ ادىستەمەلىك قۇرالدارىن، باعدارلامالارىن، جالپى باعىت-باعدارىن تەك جوعارى وقۋ ورىندارىندا، مەكتەپتەردە عانا ەمەس، جالپى قوعامدىق ورىنداردا وسى باعىتتا قانداي ءىس-شارالار جۇرگىزۋىمىز كەرەك، الدىمىزدا قانداي ماقسات-مىندەتتەر بار، وسى باعىتتا جۇمىس ىستەۋىمىز كەرەك.

Back to top button