ءالىپبي – ۇلت بولاشاعىنىڭ نەگىزى

ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىندە لاتىن الىپبيىنە كوشۋ تۋرالى «ءالىپبي – ۇلت بولاشاعىنىڭ نەگىزى» اتتى دوڭگەلەك ۇستەل ءوتتى. بۇل تۋرالى اقمولا وبلىسىنىڭ ىشكى ساياسات باسقارماسىنىڭ وڭىرلىك كوممۋنيكاتسيالار قىزمەتى حابارلادى.

دوڭگەلەك ۇستەلدە باس قوسقاندار لاتىن الىپبيىنە كوشۋ انا ءتىلىمىزدىڭ ودان ارى دامۋىنا جانە ونىڭ قولدانىلۋ اياسىنىڭ كەڭەيۋىنە اكەلەدى جانە  تۇركى تىلدەس حالىقتارىنىڭ بارلىعىمەن جاقىنداستىرادى دەپ سانايدى. بۇدان باسقا قازاق ءتىلىنىڭ ايتىلۋ ەرەكشەلىگى، ايتىلۋ زاڭدىلىقتارى دا قالپىنا كەلەتىنىنە سەنىمدى.

اتالمىش ءىس-شاراعا ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ پروفەسسورى ب.شالاباي، دوتسەنت س.جانبەك، دوتسەنت ا.ەسماعۇلوۆ جانە تاريح عىلىمدارىنىڭ كانديداتى، دوتسەنت تج بويىنشا پرورەكتورى ا.سەيتقاسىموۆ جانە ۋنيۆەرسيتەت ستۋدەنتتەرى قاتىستى.

ا.ەسماعۇلوۆ: «مىسالعا مەن ءوزىم لاتىن تىلىندە 30 جىلدارى شىققان شەشەمنىڭ كىتاپتارىن ەركىن وقي الامىن، تۇسىنەمىن. مەنىڭ ويىمشا، قازاق ءتىلىن بىلگەن، قازاق ءتىلىن تۇسىنگەن ءاربىر ازامات لاتىن قارپىن دە ءتۇسىنىپ، ەمىن -ەركىن وقي الادى»، – دەيدى.

لاتىن الىپبيىنە كوشۋ ماسەلەسى ءالى ءوز جالعاسىن تابادى. بۇل الەمدەگى بارلىق قازاقتاردى بىرىكتىرەتىن ەڭ ماڭىزدى فاكتورلاردىڭ ءبىرى.

 

جادىرا جاقسىتاي

ۇقساس جاڭالىقتار

Back to top button