646 وتباسى «ورلەۋ» جوباسىمەن شاعىن كاسىپتەرىن ورلەتۋدە  

ارىس قالاسىنداعى 646 وتباسى «ورلەۋ» جوباسى اياسىندا مەملەكەت قولداۋىنا يە بولىپ، پايداسىن كورۋدە. ولار وسى جوبا ارقاسىندا جەكە ءىس اشىپ، وزدەرىنىڭ شاعىن كاسىپتەرىن ورلەتۋدە. وسىلاردىڭ ءبىرى كوپبالالى انا – ورازكۇل اقجىگىتوۆا.

ول وتاعاسىمەن بىرگە وتكەن جىلى مەملەكەتتەن 265 332 تەڭگە كولەمىندە شارتتى اقشالاي كومەك الىپ، پلاستيكتەن ەسىك، تەرەزە جاسايتىن قۇرال-جابدىق ساتىپ الىپ، كاسىبىن اشتى. وتاعاسىمەن اتالعان قارجىنى ءتيىمدى جۇمساعاندىقتان وسى جىلدىڭ ءساۋىر ايىندا تاعى دا وسى باعدارلامامەن 265 332 تەڭگە تاعايىندالدى. ولار وسىلايشا، ىستەرىن كەڭەيتىپ، ورلەۋدىڭ وركەندەۋىنە كوز جەتكىزىپ وتىر.

«ورلەۋ» باعدارلاماسىنىڭ شارتتارىن دۇرىس ورىنداعان ارىستىق قاشقىنبەكوۆا زادا دا وسى جىلى جالپى كولەمى 600 مىڭ تەڭگەدەن استام كومەك الىپ، تىگىن ماشيناسىن الىپ قول ونەرمەن اينالىسۋدا. شاعىن تىگىن تسەحىندا كورپە، كورپەشە، قىز جاساۋى سىندى قولونەر بۇيىمدارىن تىگۋدە.

جالپى ارىس قالاسىندا وسى جىلدىڭ 9 ايىندا اتالعان جوباعا 661 وتباسى، ياعني 3668 ادام قاتىستى. ولارعا وتباسىنا شاققانداعى تابىسى ازىق-ت ۇلىك سەبەتىنىڭ قۇنىنىڭ ايىرماسى تولەنەدى. بۇگىندە 646 وتباسىنا رەسپۋبليكالىق بيۋدجەتتەن 113 ملن. 449 مىڭ 700 تەڭگە، ال جەرگىلىكتى بيۋدجەتتەن 90 ملن 468 مىڭ 700 تەڭگە شارتتى اقشالاي كومەك  تاعايىندالدى. «ورلەۋ» جوباسى بويىنشا 90 ادام الەۋمەتتىك جۇمىسقا،  20 ادام قوعامدىق جۇمىسقا، ال ەكى ادام جاستار پراكتيكاسىنا، 11 ادام قايتا دايارلاۋ كۋرسىنا، 563 ادام تۇراقتى جۇمىسقا ورنالاسقان.

 

ۇقساس جاڭالىقتار

Back to top button