Жексенбі, 26 Наурыз, 2023

Изади: "АҚШ - ең үлкен террористік ел"

Иран Қарулы күштерінің орынбасар штаб бастығы Мұстафа Изади 11 маусым күні хабарлама жариялап, АҚШ-тың «Ислам мемлекеті» террорлық ұйымын тікелей қолдап отырғанын растайтын құжаттар мен дәлелдемелерге қол жеткізді деді. Бұл туралы «Парсы.Ақпарат» агенттігіне сілтеме жасай отырып, қытайлық «Шинхуа» агенттігінің ресми сайты – Xinhua.net хабарлап отыр.

Мұстафа Изадидың мәлімдемесінде: «Біз аймақтағы бір түрлі «Өкілдік соғыс» күштеріне тап болып отырмыз. Бұл Иранның жаңа жасырын күштерге қарсы күрес жүргізуге еріксіз мәжбүр етеді», – деді.

Ол және сөзіне елдің рухани көсемі Аятолла Хоменидің сөзіне сілтеме бере отырып, Иран жағының «Ислам мемлекеті» лаңкестік ұйымын тікелей қолдаушы АҚШ үкіметі екенін дәлелдейтін құжаттарға қол жеткізгенін айтып өтті.

Ол және: «Өкінерлігі – залым қолдаушы мен сұрқия топ көптеген ислам елдерін ішінен ірітіп, күйретіп бітірді. АҚШ болса «Ислам мемлекеті» ұйымының артына жасырынған нағыз террорист ел», – деген пікірін білдірді. Алайда, «Russia Today» телеарнасының 11 маусым кеште таратқан хабарында, Иранның бұл дәлелдемелер мен құжаттарды ашып көрсетпегенін айтып өтті. 9 маусым күні Иран үкіметінің ресми мәлімдемешісі Али Ларижани де осыған ұқсас ескерту жасаған болатын.

Ол сөзінде: «АҚШ үкіметі қорқынышты лаңкестік ұйымдарды қолдаушы ең қауіпті ел», – деп кесетті. Десе де, Аятолла Хомени «АҚШ сұрқиялығы ирандықтардың бірлігі мен сенімін бұза алмайды. Ирандықтар сұрқия жаулармен бірлікте күресетін болады», – деген болатын.

 

Ұқсас жаңалықтар

Back to top button