АҚШ-тағы ең қарт дәрігер ретінде тарихта қалған Ховард Такер 103 жасына дейін еңбек етіп, медицинада өшпес із қалдырды. Ол 1947 жылдан бастап дәрігерлік қызметпен айналысып, 2022 жылға дейін үздіксіз жұмыс істеді. Тіпті өмірінің соңғы кезеңінде де кәсібінен қол үзбей, 2025 жылдың 22 желтоқсанына дейін, яғни қайтыс болардан екі ай бұрын ғана жұмысын тоқтатқан, деп хабарлайды turkystan.kz.
2021 жылы Guinness World Records оны 98 жасында «ең жасы үлкен тәжірибелі дәрігер» ретінде тіркеген. Кейін ол 103 жас 83 күнге дейін еңбек етіп, бұл рекордты одан әрі жаңартты.
Кливленд қаласында өмір сүрген дәрігер бүкіл ғұмырын адамдардың өмірін жақсартуға арнады. Оның адамгершілігі мен мейірімі немересі Остин Такер түсірген деректі фильмде де көрініс тапқан.
Пандемия кезінде де ол жұмысын жалғастырып, St. Vincent Charity Medical Center базасында науқастарды емдеп, жас дәрігерлерді оқытты. Сонымен қатар Case Western Reserve University студенттеріне медицина және құқық салаларынан дәріс берген, ол заңгер мамандығын да меңгерген.
Көп жыл бойы неврология саласында еңбек етіп, University Hospitals құрылымында қызмет атқарды және Hillcrest Hospital мекемесінде неврология бөлімінің жетекшісі болды. Сондай-ақ American Academy of Neurology мүшесі ретінде ғылыми қауымдастықта да белсенді болған.
