Грекиядағы Антикитера аралы халық санын арттыру үшін ерекше бағдарлама іске қосты. Жаңа қоныстанушыларға тегін баспана беріліп, ай сайын шамамен 500 еуро көлемінде қаржылай қолдау көрсетіледі, деп хабарлайды turkystan.kz dexerto.com-ға сілтеме жасап.
Аралда қазіргі таңда небәрі 20-24 адам ғана тұрақты тұрады. Осыған байланысты жергілікті билік тұрғындар санын көбейтуді және әлеуметтік инфрақұрылымды жандандыруды көздеп отыр.
Бағдарлама негізінен үш және одан да көп баласы бар отбасыларға бағытталған. Бұл аралдағы мектепті қайта ашу жоспарына байланысты. Сонымен қатар, балық шаруашылығы мен түрлі қолөнер саласында тәжірибесі бар мамандарға басымдық беріледі.
Дегенмен, ұсыныстың кемшіліктері де бар. Аралда инфрақұрылым әлсіз дамыған, жұмыс орындары өте шектеулі және қызмет көрсету саласы жеткіліксіз.
Соған қарамастан, теңіз жағасында тыныш өмір сүргісі келетіндер үшін бұл мүмкіндік жаңа бастамаға жол ашуы мүмкін.
