АҚШ-тың Ливермор қаласындағы өрт сөндіру бөліміндегі шам 125 жыл бойы үздіксіз жанып тұр. Бұл ерекше шам Guinness World Records тізіміне әлемдегі ең көне жұмыс істеп тұрған электр шамы ретінде енді, деп хабарлайды turkystan.kz Daily Mail-ге сілтеме жасап.
Шам 1901 жылдан бері санаулы рет қана сөндірілген: бөлімше көшкен кезде және генератор кенеттен істен шыққанда. Қазір ол бұрынғыдай жарық бермесе де, әлі күнге дейін жанып тұр.
Шамды француз инженері Adolphe Chaillet жасап, оны Shelby компаниясы өндірген. Ол тығыз целлюлозадан жасалып, көміртекке жақын күйге дейін өңделген жіпшесі қазіргі шамдарға қарағанда әлдеқайда қалың. Осындай берік құрылым оның ұзақ қызмет етуіне себеп болған.
Бастапқыда шамның қуаты 60 ватт болған, бүгінде шамамен 3 ваттқа дейін төмендеген. Дегенмен ол сөнбей, өрт сөндіру бөлімінің символына айналды.
Қазір шамды көру үшін бөлімге туристер арнайы келеді.
