Асқабақ дәні ағзаға айтарлықтай пайда әкеледі. Әсіресе ер адамдардың денсаулығы үшін құнды. Бұл туралы ВФокусе Mail материалында айтылады, деп хабарлайды turkystan.kz.
Асқабақ дәнін адамзат тағам ретінде б.з.д. шамамен 7 мың жыл бұрын пайдалана бастаған. Үй асқабағының ең көне дәні Мексикадағы Гила-Накиц үңгірінен табылған. Ал XV-XVIII ғасырларда асқабақ дәні кеңінен тарала бастады. Оны шикі немесе қуырылған күйінде жеуге, салаттарға, сорпаға және нан-тоқаш өнімдеріне қосуға болады.
Асқабақ дәні дәрумендер мен минералдарға бай: A, B, C, K, D, E дәрумендері, кальций, селен, мырыш, магний, мыс, калий, темір, марганец және фосфор бар. Сондай-ақ құрамында пайдалы аминқышқылдары, оның ішінде 12 алмастырылмайтын аминқышқыл және өсімдік май қышқылдары кездеседі.
Дән құрамындағы L-триптофан ұйқының сапасын жақсартып, серотонин деңгейін көтереді: бұл көңіл күйді көтеріп, күйзелісті азайтады. Аргинин қан айналымын жақсартып, тамырлардың жұмысын қолдайды, ал А дәрумені жүрек-қан тамыр ауруларының алдын алуға көмектеседі. Фитостеролдар «жаман» холестеринді төмендетіп, атеросклероз қаупін азайтады. Асқабақ дәнінің майы, әсіресе егде жаста, холестерин деңгейін бақылауға ықпал етеді.
Мырыштың көп болуы сүйек пен қан тамырларын нығайтып, артрит кезіндегі қабынуды азайтады және кез келген жаста сүйек тінінің саулығын сақтауға көмектеседі. Клетчатка ішек жұмысын қалыпқа келтіріп, перистальтиканы жақсартады және табиғи іш жүргізетін әсер береді, жүрек айнуды азайтады.
А дәрумені ымыртта және түстерді көру қабілетін жақсартады, ал минералдар мен клетчатка көздің тор қабығын қорғап, катарактаның алдын алуға көмектеседі.
Мамандар тәулігіне 40 дәннен артық тұтынбауға кеңес береді, бір ретте 20 данадан асырмаған жөн. Асқабаққа жеке төзімсіздігі бар адамдарда аллергиялық реакция туындауы мүмкін.
Асқабақ дәнін мына жағдайларда жемей-ақ қойған жөн:
– асқазан-ішек жолы аурулары асқынған кезде (қышқылдығы жоғары);
– ішек проблемалары болса;
– гастрит, колит, асқазан және он екі елі ішек жарасы пайда болса.
