АҚШ-та үш қызын Стэнфорд, Гарвард және Йель университеттеріне түсіріп, кейін олардың бірі YouTube-тың басшысы, екіншісі 23andMe компаниясының теңқұрушысы, үшіншісі ғалым атанған ана өз тәрбиесінің басты қағидасын бөлісті. Оның айтуынша, ең маңызды ереже – «тезірек байқап көру және қателікті сол сәтте түзету», деп хабарлайды turkystan.kz businessinsider.com-ға сілтеме жасап.
Ананың тәрбие жүйесінің негізінде сенім, құрмет, дербестік, ынтымақтастық пен мейірім жатыр. Бұл қағидалар күнделікті тұрмыстан басталған: балалар кішкентайынан өз бетімен таңғы ас пен түскі ас дайындап, мәселелерді өздері келісіп шешуге, қателесуге және оны сабырмен қайта түзетуге үйренген.
Оның пікірінше, қателік – сәтсіздік емес, өсуге арналған құрал. Балаға бәрін дайын күйінде бермей, жауапкершілікті өзіне алуға мүмкіндік беру маңызды.
Алғаш естігенде бұл кеңестер қарапайым әрі таныс болып көрінуі мүмкін. Алайда дәл осы тәсіл адамдарды алғашқы қателіктен кейін-ақ «сынбайтын», жаңа нәрседен қорықпайтын тұлға етіп қалыптастыратынын өмірдің өзі көрсетіп отыр.
