18 жастағы мектеп оқушысы күнін түнгі үште бастайды. Себебі сабаққа дейін ол стартаппен айналысады. Бұл жоба Альцгеймер дертіне шалдыққан адамдарға өткен өмірін еске түсіруге көмектесіп жүр, деп хабарлайды turkystan.kz businessinsider.com-ға сілтеме жасап.
Жобаның артында географиясы әртүрлі 12 жасөспірім тұр. Олар бір-бірін өмірде көрмеген, бірақ уақыт белдеулерінің айырмасын артықшылыққа айналдырған. Бірі тапсырманы аяқтаған сәтте, екіншісі оны жалғастырады, бірі мектепке кетеді, бірі ұйқыға жатады. Стартап тәулік бойы тоқтаусыз жұмыс істейді.
Бұл – жасанды интеллект, қашықтан жұмыс және ерте кәсіпкерлік түйіскен жаңа буынның моделі. Альцгеймерге қарсы дәрі әлі табылған жоқ, бірақ жадымен жұмыс істейтін цифрлық құралдар науқастардың өмір сапасын жақсартуға мүмкіндік береді. Жастардың стартапы дәл осы бос кеңістікті толтыруды көздейді.
