Америкалық психиатр Рами Камински психологияда жаңа ұғым – «отроверт» терминін ұсынды. Бұл – классикалық интроверт пен экстраверт арасындағы жеке категорияға жататын адамдарды сипаттайтын атау, деп хабарлайды turkystan.kz UfacityNews.ru-ға сілтеме жасап.
Мамандардың түсіндіруінше, отроверттер әлеуметтік ортада еркін қарым-қатынас жасап, тығыз жеке байланыс орната алады. Алайда ішкі әлемінде олар адамдар тобынан дистанция сақтап, эмоцияларын жалғыз өзі талдағанды жөн көреді. Сондықтан олар сырттай ашық болып көрінгенімен, іштей оқшаулануға бейім.
Каминскидің айтуынша, мұндай адамдарға «әлеуметтік бетперде» тән, яғни олар ортаға тез бейімделу үшін өзгеше мінез көрсетуі мүмкін. Бірақ бұл ұзақ мерзімде шаршау мен эмоционалдық күйзеліс тудыруы ықтимал.
Психиатр отровертизмнің айқын мысалдары ретінде Фрида Кало, Франц Кафка, Альберт Эйнштейн және Вирджиния Вулфты атайды.
Маманның айтуынша, жаңа термин адамдарға өз табиғатын жақсырақ түсінуге, қоғам күткен қалыптарға сай болу қысымын азайтуға көмектеседі.
