Ғалымдар адамның интеллект, мінез және психикалық тұрақтылық тұрғысынан ең жоғары даму нүктесіне 65 жаста жететінін анықтады. Бұл зерттеу ScienceDirect платформасында жарияланған, деп хабарлайды turkystan.kz.
Зерттеу нәтижесінде адамның өмір бойы ақыл-ой қабілеті үнемі дамитыны, ал ең жоғарғы үйлесімділік, яғни ақыл, эмоция және өзін-өзі бақылау арасындағы теңдік тек егде жаста қалыптасатыны дәлелденген.
65 жастағы адамда мидың барлық негізгі функциялары үйлесімді жұмыс істей бастайды:
- өзін ұстай білу және сабыр сақтау қабілеті;
- күйзеліске қарсы тұрақтылық;
- ойлау қателіктері мен когнитивтік бұрмалауларға бой алдырмау.
Ғалымдардың айтуынша, бұл – өмірлік тәжірибе мен эмоциялық ақылдың тоғысқан сәті. Ал 75 жаста тағы бір «бонус» қосылады: эмоциялық тұрақтылық пен ішкі тыныштық.
Яғни, мидың қартаюы қабілеттің төмендеуі емес, керісінше, адамның шынайы даналық деңгейіне көтерілуі.
