Аса қиын емес бірнеше әдіс есте сақтау қабілетін жақсартуға көмектеседі. Ми жұмысын жақсарту үшін ақпаратты қабылдау барысында түрлі сезім арналарын қатар пайдалану маңызды, деп хабарлайды turkystan.kz Mirror басылымына сілтеме жасап.
Маман атап өткендей, жаңа деректерді дауыстап айту – білімді бекітудің тиімді тәсілі. Бұл әдіс ақпаратты есте берік сақтап қана қоймай, кейін қайта жаңғыртуға да көмектеседі. Сондай-ақ деректерді жазып алып, бірден қайталап айту мидың оларды «ұмытпас бұрын» бекітуіне мүмкіндік береді.
Невролог оқу процесінде болжам жасау да пайдалы екенін мысалмен түсіндірді: егер студент анатомияда белгілі бір мүшенің қызметін алдын ала ойлап табуға тырысса, кейін дұрыс жауабын білгенде ми бұл қателікті маңызды ақпарат ретінде қабылдап, есте жақсы сақтайды.
Сонымен қатар, маман демалыстың рөліне ерекше тоқталды. Қысқа үзіліс жасау, көзді жұмып тынығу немесе серуенге шығу ақпаратты құрылымдауға және миға тыныс беруге көмектеседі. Оның айтуынша, жүріп-тұру шығармашылықты да, зейінді де ашады.
