Ұлыбританияда танымал қоюшы-суретші Стюарт Крэйг қайтыс болды. Ол «Гарри Поттер» мен «Фантастикалық мақұлықтар» франшизаларына арнап жасаған жұмыстары арқылы әлемге белгілі болған еді. Бұл туралы оның әріптесі, арт-директор Нил Ламонт Британдық кинодизайнерлер гильдиясының сайтында хабарлады, деп хабарлайды turkystan.kz.
Мәліметке сәйкес, Крэйг Паркинсон ауруымен ұзақ күрестен кейін 83 жасында өмірден озды.
Стюарт Крэйг 1942 жылы 14 сәуірде Англияның Норидж қаласында дүниеге келген. Ол 1960-жылдардың соңында 1970-жылдардың басында карьерасын бастап, әлемдегі ең үздік қоюшы-суретшілердің бірі ретінде мойындалды.
Ол 11 мәрте «Оскар» сыйлығына ұсынылып, үш рет жүлдені иеленген: «Ганди» (1983), «Қауіпті байланыстар» (1989) және «Ағылшын науқасы» (1997) фильмдері үшін.
Крэйгтің еңбегі сіңген танымал жобалар қатарында «Чаплин», «Азаттық үні», «Құпия бақ», «Ноттинг Хилл», «Кек алушылар» мен «Супермен» бар. Алайда оның шығармашылық жолындағы ерекше туындысы Джоан Роулиңгтің сиқырлы әлемін экранға алып келген «Гарри Поттер» мен «Фантастикалық мақұлықтар» фильмдерінің көркемдік шешімдері саналады.
