АҚШ-та жастар арасында жұмысшы мамандықтарына қызығушылық күрт артты. Зерттеулерге сәйкес, зумерлердің 50%-дан астамы оқу үшін дәнекерлеуші, сантехник немесе желдету-жылу жүйелерін (HVAC) орнатушы сияқты кәсіби-техникалық бағыттарды таңдаған, деп хабарлайды turkystan.kz finance.yahoo.com-ға сілтеме жасап.
Мұндай үрдістің себебі тек жоғары жалақыда ғана емес. Колледждерде жұмысшы мамандықтарына оқыту 4 жылдық университеттік бағдарламаға қарағанда 2 жылға жалғасады. Сонымен қатар, жастардың таңдауы нейрожелілерге деген қорқынышқа да байланысты: олар автоматтандыруға көнбейтін кәсіптерді іздейді.
«Біз жасанды интеллекттен қорықпаймыз, өйткені ол кондиционер орнатып бермейді», – дейді студенттердің бірі.
Пандемияға дейін кәсіби мектептер нарығы тоқырап тұрған еді. Алайда Validated Insights зерттеу компаниясының мәліметінше, қазір бұл бағыттағы студенттер саны жылына 6,6%-ға өскен.
Ұлттық студенттік зерттеу орталығының дерегінше, 2020 жылдан бері кәсіби және техникалық бағдарламаға бағытталған мемлекеттік екі жылдық колледждердегі қабылдау 20%-ға ұлғайған. Ал төрт жылдық мемлекеттік университеттерде бұл өсім небәрі 2,1% болды. Сондай-ақ, оқу кезінде еңбекақы алуға мүмкіндік беретін бағдарламалар да кейінгі жылдары тұрақты өсім көрсетіп отыр.
