Калифорния университетінің ғалымдары робототехника саласында күтпеген есеп жүргізді: машинаға жай ғана қасық ұстауды үйрету үшін 100 мың жылдық деректер қажет болуы мүмкін, деп хабарлайды turkystan.kz.
Зерттеушілердің айтуынша, жасанды интеллектке мәтін модельдеріне қарағанда физикалық әлем әлдеқайда күрделі. Мәселен, ChatGPT интернеттегі миллиардтаған мәтінді «жеп» үлгерсе, роботтарда ондай дерекқор жоқ. Әсіресе қозғалыс, күш түсіру және кеңістіктегі траекторияларды сипаттайтын материалдар өте тапшы.
YouTube-тегі видеолар да шешім емес: олар тек екі өлшемді жазбалар, ал роботтарға қозғалыстың толық үшөлшемді сипаты қажет. Сондықтан роботтарды үйрету үшін шынайы тәжірибеден жинақталған деректер аса маңызды болып отыр.
Ғалымдар мұндай есеп роботтардың дамуы әлі де ұзақ әрі шыдамды еңбекті қажет ететінін көрсетеді дейді.
