Volkswagen жаңа көліктеріне ерекше жүйе енгізді: енді жүргізушілер автокөлік қуатын «жазылу арқылы» қоса алады, деп хабарлайды turkystan.kz autoexpress.co.uk-ға сілтеме жасап.
Мысалы, жаңа ID.3 Pro моделінің қуаты әдетте 201 ат күші болса, айына 16,5 еуро төлегендерге қосымша 27 ат күші ашылады.
Компания егер біреу бұл функцияны заңсыз «бұзып», тегін қосып алса, сотқа беретінін ескертті. Volkswagen мұндай жазылым жүйесін басқа да модельдерге енгізуді жоспарлап отыр.
Яғни, көліктің қосымша мүмкіндіктері бірден сатылмайды, оларды қалаған адам ай сайынғы төлем арқылы ғана пайдалана алады.
