Journal of Physiological Anthropology журналында жарияланған зерттеуге сәйкес, көрпеден бір аяқты шығарып жату тезірек ұйықтауға көмектеседі, деп хабарлайды turkystan.kz.
Ғалымдардың айтуынша, бұл әсер дене температурасының реттелуіне байланысты. Ағза ұйқыға кетер алдында сәл салқындауы керек: бұл мелатонин атты ұйқы гормонының бөлінуіне ықпал етеді. Ал адам денесінде жылуды ең көп шығаратын жердің бірі – табан, себебі онда көп қан тамырлары шоғырланған. Аяқ салқын ауамен жанасқанда дене температурасы тезірек төмендеп, адам тез ұйқыға кетеді.
Зерттеушілер бұл тәсілдің қарапайым әрі күш жұмсауды қажет етпейтінін айтады: көрпенің шетін сәл көтеріп, бір аяқты сыртқа шығару жеткілікті. Көп адам мұны бұрыннан инстинктивті түрде істейтін, енді оның ғылыми негізі де дәлелденіп отыр. Бұл әдет кешкі уақытта ұйқыға дайындықтың тиімді бір бөлігіне айналуы мүмкін.
