Ол 5 маусым күні Ырғыз ауданына қарасты Мамыр ауылында жоғалып кеткен болатын. Тек бүгін, 9 маусымда, құтқарушылар оның денесін тапты, деп хабарлайды turkystan.kz.
Алдын-ала мәлімет бойынша, 2009 жылы туған бала суға құлап, Торғай өзенінің жанындағы су басқан аумақта батып кеткен. Оны бірнеше күн бойы іздеген.
«Іздеу жұмыстары ауа-райының қолайсыздығына байланысты қиынға соқты — қатты жел, ағыс, судың лайлығы және түбінің нашар көрінуі кедергі болды. Ең басты қиындықтар – судың ағысы мен лайлығы», – деп хабарлады ТЖД.
Іздеу барысында су астындағы дрон қолданылды. Барлығы ТЖД, ПД және басқа да мекемелерден 42 адам тартылды.
ТЖД су айдындарында қауіпсіздік шараларын қатаң сақтауға шақырады.
