Алматыда түнгі мекеменің 29 жастағы басшысы қызметкерін зорлады деген күдікпен ұсталды, деп хабарлайды turkystan.kz.
«Әлеуметтік желілерге жүргізілген мониторинг нәтижесінде өзін Елисей деп таныстырған азаматтың қаладағы түнгі клубтардың бірінде зорлық-зомбылық фактісі болғанын айтқан видеожазбасы анықталды. Аталған факті бойынша Медеу аудандық полиция басқармасы қылмыстық іс қозғады. Жедел-іздестіру шаралары барысында жәбірленушінің жеке тұлғасы анықталып, ол полицияға арызбен жүгінді. Күдікті – көрсетілген мекеменің 29 жастағы басшысы ұсталды», – делінген хабарламада.
Күдікті уақытша ұстау изоляторына қамалды. Қажетті тергеу амалдары жүргізілуде.
«Тергеу барысында күдіктінің әрекетіне, оның ішінде айтылған жағдайларды ескере отырып, құқықтық баға беріледі», – деді Алматы қалалық ПД өкілдері.
