Алма – халық жиі әрі сүйіп жейтін жемістің бірі. Ол тек дәмді ғана емес, пайдасы да зор. Күнделікті алма жеу денсаулықты жақсартып, көптеген аурудың алдын алады.
1. Иммунитетті күшейтеді
Алманың құрамында С дәрумені мен антиоксиданттар мол. Бұл заттар ағзаны түрлі инфекция мен вирустардан қорғайды.
2. Жүрекке пайдалы
Алма жүрек-қантамыр жүйесінің жұмысын жақсартады. Ондағы талшықтар (клетчатка) қан құрамындағы холестеринді төмендетіп, инфаркт қаупін азайтады.
3. Ас қорытуды реттейді
Алма ішектің жұмысын жақсартып, іш қатудың алдын алады. Оның құрамындағы пектин ас қорыту процесін жеңілдетеді.
4. Ми қызметін жақсартады
Құрамындағы кверцетин және басқа да антиоксиданттар миды жасартуға, есте сақтау қабілетін арттыруға ықпал етеді.
5. Артық салмақпен күресуге көмектеседі
Алма — төмен калориялы, бірақ тойымды жеміс. Ол ұзақ уақыт қарын аштырмай, артық тамақтануға жол бермейді.
6. Тіс тазартуға көмектеседі
Алманы шайнаған кезде ол табиғи "щетка" секілді қызмет атқарып, ауыз қуысын тазартады. Ол сондай-ақ жағымсыз иісті азайтады.
7. Қартаюды баяулатады
Алманың құрамындағы антиоксиданттар ағзадағы жасушаларды ерте қартаюдан қорғайды, тері мен терінің серпінділігін сақтауға көмектеседі. "Күнде бір алма жесеңіз, дәрігерді қажет етпейсіз" деген ағылшын мақалы бар. Табиғат берген бұл жемісті күнделікті рационыңызға қосу арқылы денсаулығыңызды нығайта аласыз.
