Компанияның табысы:
2024 жылы таза табысы 39 пайызға, операциялық табысы 9 пайызға өскен.
Іске қосылған инфрақұрылымдық жобалар:
- Екібастұздағы бірінші Мемлекеттік аймақтық электр стансасының №1 энергоблогы қалпына келтірілді;
- Сиань қаласында көлік-логистика терминалы жұмыс істей бастады;
- Алматының энергетика кешеніне қажетті газ инфрақұрылымының құрылысы аяқталды;
- Қарашығанақ кен орнында газды кері айдауға арналған бесінші компрессор пайдалануға берілді.
Инвестициялық жобалар:
- биыл мамыр айында битум өндірісін кеңейту жобасы басталды;
- Жыл соңына дейін тағы 7 ірі инвестициялық жобаны аяқтау жоспарланып отыр.
Мәмілелер:
- Qazaq Air АҚ әуе компаниясы мен «Мобайл Телеком-Сервис» ЖШС (Теле2) ұялы байланыс операторын стратегиялық инвесторларға сату жөнінде мәмілелер жасалды. Бұл нарықтағы бәсекелестікті арттыруға және Қазақстан экономикасының негізгі секторларына инвестиция тартуға ықпал етеді.
«Жайлы мектеп» ұлттық жобасы:
- Қазіргі кезде 106 мектептің құрылысы бітуге жақын, жыл соңына дейін тағы 102 оқу ошағын салу жоспарланған.
Президент тапсырмасы:
- компания активтерінің тиімділігін жоғарылату, құнын арттыру;
- инвестициялық жобаларды уақтылы және сапалы жүзеге асыру жұмыстарын жалғастыру.
Қасым-Жомарт Тоқаев Азия, Еуропа және АҚШ-тағы әлемнің ең ірі қорларымен ұзақмерзімді инвестициялық ынтымақтастық орнатудың маңызды екенін атап өтті.
