Әлеуметтік желілерден уақытша бас тарту адамның психикалық жай-күйіне оң әсер етеді. Жақында жүргізілген ауқымды зерттеу кезінде 20 мыңға жуық адам 42 күнге Facebook пен Instagram платформаларынан бас тартып көрді – нәтижесінде олардың өмірі жеңілдей түскен.
Facebook-тан бас тартқандардың бақыт деңгейі орта есеппен 6%-ға артқан, ал Instagram-сыз өмір сүргендерде бұл көрсеткіш 4% болған. Қызығы, қатысушылар смартфоннан мүлде бас тартқан жоқ – олар тек басқа, психикаға аз әсер ететін қосымшаларға көшкен.
Мамандардың айтуынша, цифрлық детокс – тек телефоннан емес, нақты қолданбалардан уақытша алыстау болуы мүмкін. Әсіресе, жаңалықтар лентасы, рилс пен стористер миға үнемі ақпарат ағынын төндіріп, шаршатуы мүмкін.
Бұл зерттеу адамдарға өздерінің цифрлық дағдыларын қайта қарауға түрткі болуы мүмкін.
