Қазақстандық теннисші Дмитрий Попко (әлемнің 175-ракеткасы) Мексиканың Морелос қаласында өтіп жатқан ATP Challenger санатындағы турнирдің чемпиондық атағына таласады, деп хабарлайды Zakon.kz.
Дмитрий ерлер арасындағы жекелей сын бойынша жартылай финалдық матчта Канада өкілі Алексис Галарноны (әлемнің 162-ракеткасы) екі сетте – 6:2, 7:5 есебімен ұтты.
Матч 1 сағат 20 минутқа созылды. Осы уақыт ішінде Попко алты эйс жасап, алты брейк-пойнттың үшеуін өз есебіне жазды. Ал Галарно екі эйс жасап, екі қос қателік жіберді.
Финалда 28 жастағы қазақстандық теннисші Рафаэль Джодар (Испания) – Марк-Андреа Хусслер (Швейцария) жұбының жеңімпазымен кездеседі.
