Қостанай облысында жанып жатқан үйден 14 адам эвакуацияланды. Оның алтауы – бала. Бұл туралы ТЖМ баспасөз қызметінен мәлім етті, деп хабарлайды turkystan.kz.
ТЖМ мәліметінше, өрт Қостанай облысы Арқалық қаласындағы көппәтрлі тұрғын үйлердің бірінде төртінші қабатта орналасқан пәтерден шыққан.
«Құтқарушылардың күшімен 14 адам, оның ішінде 6 бала эвакуацияланды. Сондай-ақ өрт сөндірушілер түтін аймағынан көлемі 27 литр екі газ баллонын шығарып, жарылыс қаупінің алдын алды. Өрт толығымен сөндірілді. Себебі анықталуда», - делінген хабарламада.
Айта кетейік, өрттен құтқарылған 6 адам, оның ішінде 5 бала қалалық ауруханаға жөнелтілді. Қазір олардың жағдайы тұрақты.
