Қазақстан Ұлттық банкі мессенджерлерде жаңа алаяқтық схемалар пайда болғанын хабарлап, тұрғындарға сақ болу керектігін ескертті, деп жазады turkystan.kz.
Мемлекеттік органдардың жалған аккаунттары
Алаяқтар логотиптер мен ашық дереккөздердегі фотосуреттерді пайдаланып, жалған аккаунттар ашады.
Техникалық қолдау қызметінің атынан алдау
Сізге аккаунтыңызды өшіруге өтініш түскені туралы хабарлама келеді. Бас тарту үшін код енгізуіңізді сұрайды, осылайша алаяқтар профиліңізді иемденіп алады.
Аккаунттарды ұрлау
Ұрланған аккаунттар арқылы алаяқтар сіздің таныстарыңызға хабарлама жазып, ақша аударуды немесе зиянды файлдарды жүктеп алуды сұрайды.
Жалған бос жұмыс орындары және QR кодтар
Сізге жоғары жалақысы бар жұмыс ұсынады. Сілтемеге өткеннен кейін алаяқтар сіздің құрылғыңызға қол жеткізе алады.
Өзіңізді қалай қорғауға болады?
• Кодтар мен жеке деректеріңізді басқа адамдарға бермеңіз
• Күдікті сілтемелерге кірмеңіз
• Қашықтан басқаратын бағдарламаларды (HopToDesk, AnyDesk және т.б.) орнатпаңыз
• «Мемлекеттік органдардан» келген қоңырауларды тексеріңіз – ресми нөмірге қоңырау шалыңыз
Алаяқтарға тап болсаңыз, бірден құқық қорғау органдарына хабарласыңыз.
