1 сәуір күні Таиландтың Пхукет қаласында болған жол апатынан Қазақстан азаматы көз жұмды. Бұл туралы жергілікті бұқаралық ақпарат құралдары хабарлады.
«Пхукет жаңалықтары» деп аталатын Telegram арнасының мәліметінше, 1 сәуір күні түнгі сағат 00:45 шамасында ер адам Bypass Rd тас жолында мотоциклмен жоғары жылдамдықта қозғалған. Қазақстандық қатты жылдамдықпен келіп, көшедегі жарық бағанасына соғылған. Денесі қатты соққыдан екіге бөлініп кеткен.
Жергілікті полиция оны бастапқыда Ресей азаматы деп ойлаған. Кейіннен Пхукет ауруханасы оның жеке басын анықтаған. Ол сол жерде тұрып, жұмыс істеген Қазақстан азаматы болып шыққан.
