Ай сайынғы төлем жұмысқа қабілетті азаматтың ең төменгі күнкөріс деңгейіне тең болады.
Мазмұны
Ресей Мемлекеттік Думасының Еңбек, әлеуметтік саясат және ардагерлер істері жөніндегі комитетінің төрағасы Ярослав Нилов (ЛДПР) үй шаруашылығымен айналысатын азаматтарға ең төменгі күнкөріс деңгейінде жәрдемақы төлеуді ұсынды. Бұл туралы ТАСС құжат мәтініне сілтеме жасап хабарлады.
Заң жобасы тек үй шаруасымен айналысатын азаматтарға қатысты. Үй жұмыстарының қатарына:
- тамақ әзірлеу;
- кір жуу;
- тігін тігу, тоқу, киім мен аяқ киімге күтім жасау;
- пәтер тазалау;
- азық-түлік, тауарлар мен қызметтер сатып алуға жұмсалатын уақыт;
- 1,5 жастан асқан балаларға, мүгедек балаларға, бала кезінен I топ мүгедектеріне күтім жасау;
- медициналық мекеменің қорытындысы бойынша тұрақты күтімді қажет ететін қарт ата-аналарға қарау кіреді.
Ай сайынғы төлем жұмысқа қабілетті азаматтың ең төменгі күнкөріс деңгейіне тең болады, 2025 жылы бұл сома 19 329 рубль болады.
Сонымен қатар, жәрдемақы тек отбасының жан басына шаққандағы орташа табысы аймақта белгіленген күнкөріс минимумының екі еселенген мөлшерінен аспаған жағдайда ғана беріледі.
Құжатта көрсетілгендей, төлем алты ай мерзімге тағайындалады. Осы уақыт өткен соң, азамат жаңа өтініш беріп, қажетті құжаттарды қайта тапсыра алады.
