Оқиға орнында тергеушілер мен өрт сынақ зертханасы жұмыс істеуде
Шымкентте жеке тұрғын үйде болған өртті құтқарушылар үш сағат бойы сөндірді.
Төтенше жағдайлар министрлігінің мәліметінше, 9 наурыз күні таңертең Юсуф-ата көшесіндегі бір қабатты жеке үйден өрт шыққан. Тілсіз жау жеңіл автокөлікті де шарпыған.
Өрт сөндірушілер 650 шаршы метр аумақты шарпыған жалынды толықтай сөндірді. Зардап шеккендер жоқ.
Оқиға орнында тергеушілер мен өрт сынақ зертханасы жұмыс істеуде. Өрттің себебі анықталып жатыр.
