Қарағандыда такси жүргізушісін пышақтап кеткен (ВИДЕО
Ер адам ауруханаға жатқызылды, оның жағдайы тұрақты.
Қарағандыдағы «Алмаз» сауда орталығына қарама-қарсы жерде такси жүргізушісіне шабуыл жасалған. Бұл туралы ақпарат Instagram желісіндегі karaganda_vkurse парақшасында жарияланды.
Кадрларда орындықта отырған ер адамның саусағынан қан ағып жатқанын көруге болады. Ер адам бір саусағының кем дегенде жартысынан айырылған болуы мүмкін. Әлеуметтік желідегі мәлімет бойынша, ол үш жерден пышақ жарақатын алған.
«Біз жараланған адамды көріп, оған жақындай бастағанымызда, оған жоламаңыздар, ол маскүнем деген дауыс естілді. Бірақ оның маскүнем емес екенін көрдік, ол есеңгіреп қалғандай көрінді», - делінген жастардың әлеуметтік желідегі жазбасында.
Олар зардап шеккен адамға жақындағанда, ол үрейлене айқайлайды:
«Мені өлтірмеңдерші, өлтіре көрмеңдер».
Жігіттер су сатып алып, оның бетін жуды. Осыдан кейін олар жүргізушінің көлігіне барғанда дөңгелегі пышақпен тесілгенін көрген. Ер адам қорыққанынан болса керек көлігін құлыптап алған.
«Біз орындық тауып, тіс дәрігерінің кабинетіне жүгіріп кіріп, алғашқы көмек көрсету үшін қажеттінің бәрін сұрап алдық. Саусағы кесіліп кеткен болатын. Жарасы мен бетін таңып, полиция мен жедел жәрдем шақырдық», - дейді жігіттер.
Ер адам ауруханаға жатқызылды, оның жағдайы тұрақты.
«53 жастағы такси жүргізушісінің денесіне зақым келтіру фактісі бойынша қылмыстық іс қозғалды. Оқиғаға қатысушылардың барлығы анықталды. «Қазіргі уақытта тергеу амалдары жүргізілуде», - деп мәлімдеді Қарағанды облысының полиция департаментінің баспасөз қызметі редакция тілшісіне.
Алдын ала мәлімет бойынша, жолаушы мен такси жүргізушісі арасында жанжал шыққан. Ұсталған азамат полиция бөлімшесінде.
