125
Полицейлер балалардың киіміне жарық шағылыстырғыш орнатуды ұсынды
Бұл қарапайым әрі тиімді аксессуарлар қараңғы уақытта немесе көру мүмкіндігі нашарлаған жағдайда баланың көзге түсуін едәуір арттырып, оның жолдағы қауіпсіздігін қамтамасыз етеді.
Қазақстан полициясы ата-аналарға үндеу жасады, деп хабарлады turkystan.kz.
"Балаңыздың жолдағы қауіпсіздігін қамтамасыз ету үшін киімге немесе рюкзакқа арнайы бекітілетін жарық шағылғыстырғыш білезіктер, белгілер не болмаса фликерлер сынды элементтерді қолданғандарыңыз маңызды.Сырт киім мен аксессуарларда дұрыс орналастырылған жарық шағылыстырғыш, жаяу жүргіншінің алыстан жақсы көрінуін қамтамасыз етіп, сондай-ақ, жол-көлік оқиғаларының қаупін азайтады", – деп жазылған ІІМ баспасөз қызметі таратқан хабарламада.
